“TIQXMMI” Milliy tadqiqot universitetining  Qarshi irrigatsiya va agrotexnologiyalar instituti direktori: Muqimov Zarip Majlisovich Qabul vaqti: Telefon: (+998)-75-224-19-72 E-mail: direktor@tiiamekb.uz

Direktorning lavozim vazifalari

Direktorning lavozim vazifalariga quyidagilar kiradi:

• O‘zbekiston Respublikasi qonunlari, Prezident Farmonlari va farmoyishlari, Oliy majlis va Vazirlar Mahkamasining taʼlim va kadrlar tayyorlash sohasidagi qarorlarini amalga oshirishni tashkil etish;

• yuksak maʼnaviy-axloqiy fazilatli, mustaqil fikrlashga qodir bo‘lgan, bozor sharoitida ishni tashkil etishning usullarini egallagan yuqori maʼlumotli malakali kadrlar tayyorlashni taʼminlash;

• davlat taʼlim standartlari asosida yuqori malakali kadrlar tayyorlashni tashkil etish;

• institutda O‘zbekiston Respublikasining “Taʼlim to‘g‘risida”gi qonun va “Kadrlar tayyorlash milliy dasturi”da belgilangan vazifalar bajarilishini taʼminlash;

• institut tarkibiy tuzilmasidagi barcha bo‘linmalar vakolatlarini belgilab berish, faoliyatlarini rejalashtirish, muvofiqlashtirish, boshqarish, oliy taʼlim muassasasining boshqaruv lavozimlariga munosib kadrlarni tayyorlash, xodimlarni tanlash, rahbarlik lavozimiga tavsiya etish va ishga qabul qilish;

• xodimlarni moddiy va maʼnaviy rag‘batlantirish, ijtimoiy muhofazasini taʼminlash, intizomiy jazo choralarini qo‘llash;

• institut daromadlari shakllantirilishi va ulardan samarali foydalanilishi ustidan nazorat qilish;

• ilmiy-tadqiqot ishlarini tashkil etish, ularning samaradorligini oshirish va tadqiqotlarning natijalarini amaliyotga keng joriy etish, oliy taʼlim, fan va ishlab chiqarishning o‘zaro integratsiyasini taʼminlash;

• uzluksiz taʼlim tizimi uchun yangi avlod o‘quv adabiyoti yaratish konsepsiyasi talablariga muvofiq darsliklar va o‘quv-metodik adabiyotlar yaratilishi, tarjima qilinishi va nashr etilishini tashkil etish;

• o‘quv-tarbiya jarayonida o‘qitishning ilg‘or shakllarini, shu jumladan, masofadan turib o‘qitish, yangi pedagogik va axborot-kommunikatsiya texnologiyalarini joriy etish va ulardan samarali foydalanishni tashkil etish;

• maʼnaviy-maʼrifiy, tarbiyaviy ishlarga rahbarlik etish, xodimlar va talabalarda milliy g‘oyani shakllantirish;

• talabalikka, magistratura va stajyor-tadqiqotchi-izlanuvchi- izlanuvchilar institutiga qabul qilish, o‘qishdan chetlatish, tiklash, ichki tartibga rioya etilishini taʼminlash;

• professor-o‘qituvchilarning kasbiy malaka oshirishlarini taʼminlash;

• talabalar, stajyor-tadqiqotchi-izlanuvchilar, ilmiy-pedagogik xodimlar uchun maishiy xizmat ko‘rsatish va boshqa turdagi sharoitlarni tashkil etish, ularning ijtimoiy himoyasini taʼminlash;

• fakultetlar va kafedralar faoliyati, o‘quv jarayoni, maʼruzalar, amaliy va laboratoriya mashg‘ulotlari, o‘quv va ishlab chiqarish amaliyotlari, boshqa turdagi mashg‘ulotlar sifatining doimiy nazorat etilishini taʼminlash;

• taʼlim muassasasida mutaxassislar tayyorlanadigan yo‘nalish va ixtisosliklar sohasining rivojlanish istiqbollarini aniqlashga qaratilgan tadbirlarni tashkil etish (ilmiy-amaliy konferensiyalar o‘tkazish, xalqaro anjumanlarda ishtirok etish, axborot makonidan foydalanish sharoitlarini yaratish, fan-texnika, texnologiyalar rivojlanishiga taalluqli adabiyot, informatsion materiallarni keltirish), buning asosida davlat taʼlim standartlari, o‘quv dasturlari, o‘quv adabiyotlarini takomillashtirib borishni taʼminlash, ilmiy izlanishlarni yo‘naltirib borish;

• marketing xizmatini rivojlantirib, taʼlim yo‘nalishi va ixtisosliklarga talab va ehtiyojni o‘rganishni, bitiruvchilarni amalda ishga joylashishi tahlilini, mutaxassislarni maqsadli tayyorlash borasida hamkorlik shartnomalari tuzishni tashkil etish;

• institutning moddiy-texnik bazasini mustahkamlash va rivojlantirish tadbirlarini ishlab chiqish va amalga oshirish, oliy taʼlim muassasasi Ilmiy Kengashiga rahbarlik qilish, oliy taʼlim muassasasining tarkibiy tuzilishini takomillashtirish, tarkibiy bo‘linmalarini tashkil etish, tugatish, o‘zgartirish;

• xorijiy hamkorlar bilan ilmiy-ijodiy aloqalarni rivojlantirish, investitsiya va grantlar jalb etilishini taʼminlash, qo‘shma korxona (kafedra, ilmiy markaz, ilmiy tadqiqotlar, loyihalar va h.k.)lar tashkil etish faoliyatini amalga oshirish;

• jamoat tashkilotlari, vasiylar kengashi va boshqa shu kabi nodavlat tashkilotlar bilan hamkorlik faoliyatini olib borish;

• taʼlim jarayonini boshqarish bo‘yicha vakolatli organlar tomonidan belgilangan boshqa vazifalar ijrosini taʼminlash;

• amaldagi qonunchilik asosida boshqa vazifalarni bajarish.